Специјалниот претставник на Белата куќа, Стив Виткоф, денеска пристигна во Москва, каде се очекува да се сретне со рускиот претседател Владимир Путин, објавиja странските агенции.
Како што е наведено, Виткоф се појавува како клучен соговорник на Вашингтон со Путин, додека американскиот претседател Доналд Трамп се залага за договор за прекин на војната во Украина. Пратеникот веќе одржа три долги лични средби со лидерот на Кремљ.
Неговата сегашна посета на Москва доаѓа еден ден откако Трамп ги критикуваше руските ракетни и беспилотни напади врз Киев, во кои загинаа најмалку 12 лица.
Во исто време, американскиот претседател изјави дека е постигнат значителен напредок во мировните преговори.
„Следните неколку дена ќе бидат многу важни. Во моментов се одржуваат состаноци. Мислам дека ќе постигнеме договор. Мислам дека се приближуваме“, изјави Трамп во текот на вчерашниот ден. (МИА)