Протеините се многу важни бидејќи учествуваат во речиси сите процеси во телото. Протеините во телото учествуваат во градењето и опоравувањето на ткивата, ензимите и хормоните, одржуваат рамнотежа и pH вредности, енергија и го поддржуваат имунолошкиот систем.
Диететичарката и нутриционистка Лорен Манакер ги истакна седумте најчести симптоми на недостаток на протеини во телото за порталот Eat This, Not That.
Слабост или умор: Недостатокот на протеини може да доведе до губење на мускулната маса, што може да предизвика чувство на слабост и исцрпеност.
Бавно закрепнување после вежбање: Протеинот му обезбедува на телото аминокиселини што му се потребни за обнова. Без нив, телото потешко го поправа оштетеното мускулно ткиво предизвикано за време на вежбањето.
Проретчена коса или кршливи нокти: Кога телото не може да произведе доволно протеини како кератин, тоа може да се манифестира како гребени во ноктите, проретчена коса, па дури и сува, ронлива кожа.
Чести боледувања: Без доволно протеини, имунолошкиот систем може да биде ослабен, што значи дека телото потешко се бори против вирусите и бактериите.
Постојан глад: Протеините придонесуваат за чувството на ситост, па ако не внесувате доволно протеини, можеби нема да се чувствувате сити дури и после јадење.
Бавно зараснување на раните: На телото му требаат протеини за згрутчување на крвта и производство на доволно колаген за заздравување на раните. Резултатот може да биде побавно заздравување на исеченици, гребнатини и други повреди.
Оток: Отекувањето на екстремитетите (исто така познато како едем) може да биде знак за недостаток на протеини бидејќи протеините кои циркулираат во крвта помагаат да се спречи акумулација на течности.