Претседателката на Унија на жени на ВМРО-ДПМНЕ при ОК Куманово, Ивана Лазаревска, која е раководител во АД за стопанисување со станбен и деловен простор во вчерашното гостување во поткастот „ВМРО-ДПМНЕ зборува – УЖ“, говореше за напредокот на проектот Ф/П1674 за домување на социјално ранливи групи, како и за плановите за изградба на комерцијални објекти во Куманово.
-Акционерското друштво заедно со претставници на Владата, на почетокот на месец февруари додели клучеви за социјални станови во Велес и Кочани. Во наредниот период, станбени единици од ваков тип ќе бидат распределени и во Дебар, а во моментов се градат и во скопските општини Бутел и Сарај. Се гради и во општина Прилеп, а во тек е јавна набавка за избор на изведувач во Штип, изјави Лазаревска.
Таа додаде дека со овие активности се финализира проектот ФП1674, кој опфаќа изградба на 32 станбени згради во 25 градови низ територијата на Република Македонија.
Во рамки на Годишната програма за изградба, продажба и одржување на станбените простори во сопственост на државата, Лазаревска најави изградба на три објекти токму во Куманово.
-Во рамките на самото друштво имаме отворена комуникација со Европската банка за обнова и развој во однос на финализирање на целиот процес. Отвораме можност за продолжување на соработката преку склучување на нов Рамковен договор за заем, со што ќе создадеме формално-правни услови за интензивирање на активностите за проектирање и реализација на нов, ваков сличен проект, заклучи Лазаревска.