На денешен ден пред 34 години, фудбалскиот клуб Црвена Звезда го освои најзначајниот трофеј во својата историја — Купот на шампионите (денешна Лига на шампиони) — по победата над Олимпик Марсеј со 5:3 по изведување пенали. Натпреварот се одигра на стадионот „Сан Никола“ во Бари, Италија, и по 90 минути и продолженија без голови, се реши по пенали. Македонските фудбалери Дарко Панчев и Илија Најдовски беа дел од шампионскиот тим.
Во изведувањето на пеналите, головите за Црвена Звезда ги постигнаа Роберт Просинечки, Драгиша Биниќ, Миодраг Белодедиќ, Синиша Михајловиќ и Дарко Панчев. Голманот Борислав Станковиќ одбрани удар на капитенот на Марсеј, Аморос, што беше клучен момент за победата. Црвена звезда остана непоразена во целиот турнир, што ја направи оваа титула уште по славна.
Шест месеци подоцна, тимот го освои и Интерконтиненталниот куп, победувајќи го чилеанскиот Коло-Коло со 3:0 во Токио, со што стана светски клупски првак.