Од утре стапуваат на сила новите намалени цени на 165 оригинатори и генерички лекови.Станува збор за деветто по ред намалување на цените на лековите согласно методологијата на Министерството за здравство и Агенцијата за лекови и медицински средства на Република Македонија. Вкупната заштеда од ова намалување на цените на лековите е над 653.000 евра.Оваа системска мерка која ја имаме воведено како Влада ќе продолжи да се имплементира и во наредниот период. Во октомври ќе следи и нова ревизија.Од анализите што ги направи Агенцијата за лекови, најголемо намалување на цените на генеричките лекови бележат во 2014 година кога се намалени цените на 602 лека.Со ова деветто по ред намалување на цените на лековите од 2012 година, досега се опфатени над 4.800 лека, чија цена е намалена два или повеќе пати. Вкупната заштеда со тоа е над 33 милиони евра.

Утре истекува рокот за поднесување на барања за легализација на дивоградби, сите земјоделци, фармери и оние кои имаат изградено бесправно помошни објекти или објекти за обработка на примарното земјоделско производство пред 3 март 2011 година да поднесат барање за легализација, апелираше денеска Ванчо Костадиновски заменик министерот за земјоделство, шумарство и водостопанство.
Со добивање на имотен лист земјоделците и фармерите ќе можат да аплицираат за средства од ИПА фондовите и другите програми за рурален развој и имотот ќе биде во нивна сопственост.
Според претседателот на Асоцијацијата на земјоделци, Ефтим Шаклев, легализацијата на земјоделските објекти ќе направи пресвртница во сточарството бидејќи објектите ќе бидат во сопственост на земјоделците и тие ќе може да го планираат своето производство.
Откако ќе го поднесат барањето за легализација, земјоделците ќе имаат рок до декември 2017 година да поднесат елаборат за легализација.

Иницијативата која пред две години која беше покрената од лидерот на ВМРО-ДПМНЕ Никола Груевски, како премиер на Република Македонија во соработка со министерот за култура Елизабета Канческа Милевска, имаше за цел да се воведе една нова димензија во поддршката на уметниците, преку откуп на уметнички дела на домашни автори.Во Националната галерија на Македонија, објект Мала станица, попладнево беше отворена изложба на дела откупени со  вториот конкурс на Министерството за култура за откуп на уметнички дела и скулптури од галериски формат за 2015 година.На конкурсот се откупени 59 дела од 52 автора, од кои 43 ликовни остварувања, а 16 се скулптури. Избрани се од стручна комисија во состав: Викторија Васева-Димеска, Конча Пиркоска, Сафет Ахмети и Маја Неделкоска-Брзанова.Со новиот конкурс постојаните поставки и депоата на националните музеи, како и просторите на државни институции, ќе се дополнат и збогатат со дела на еминентни автори кои со своето творештво оставија траен белег во македонската ликовна уметност, истакна во својот говор министерката Канческа-Милевска.На првиот конкурс за 2014, и на овој, втор конкурс за 2015, откупени се вкупно 113 ликовни дела и скулптури од галериски формат, за што од буџетот се одвоени 13.389.000 денари