„Џонсон Контролс“ отвора нова фабрика во Струмица

Американската компанија Џонсон Контролс отвора нова фабрика во Струмица. Станува збор за инвестиција вредна 20 милиони долари која ќе отвори 1.500 нови работни места. Комапнијата веќе има една фабрика во Штип која успено работи. Директорот на Џонсон Контролс, Вили Ван Лои истакна дека инвестицијата најпрвин ќе стартува како браунфилд, во постоечка зграда, а потоа ќе прерасне во гринфилд. Според Директорот на дирекцијата за технолошко-индустриски развојни зони Виктор Мизо реинвестирањето на Џонсон Контролс во Макеонија е доказ за успешноста на владините политики за креирање поволна бизнис клима. Според инвестицискиот план првите вработувања во фабриката во Струмица да бидат до крајот на оваа година, а до крајот на 2016-та ќе бидат вработени 300 лица.