Според Антонио Вилјас-Боаз, новинарот на “Business Insider”, кој подолго време ги поседува паметните телефони Google Pixel 2 и Samsung Galaxy S9
решил да направи еден тест за да види кој телефон е подобар и кои се перформансите и како истите апликации се однесуваат и кај едниот и кај другиот телефон.
Еве кои од карактеристиките на Google Pixel 2 ги смета на понапредни во однос на Galaxy S9.
1. Pixel 2 го стартува Android онака како што Гугл го предвидел
Тој наведува дека Pixel 2, со оглед на тоа дека го произведува Гугл, нуди чисто Android искуство. Овој оперативен систем е значително побрз на овој телефон, во споредба со верзијата која ја користи Galaxy 9.
2. Сопствениците на Pixel 2 ги добиваат сите Android подобрувања во моментот кога Гугл ќе ги објави
Тоа е нешто со што ниту еден друг произведувач не може да се пофали, а Galaxy S9 е вистински пример за тоа. На пример, доаѓа со малку постара верзија на Android – 8.0, и нема да добие надоградба во наредните неколку месеци, додека кај Pixel 2 веќе е застапена верзијата 8.1. Од друга страна, важно е да се напомене дека на Galaxy S9 се застапени бројни функции кои Pixel 2 ги нема, вели тој.
3. Galaxy S9 го нема копчето Google Home кое е застапено кај Pixel 2
“Тука е копчето Bixby Home, кое се обидува да го направи истото што и Google Home, но, искрено кажано, не е ни одблиску така добро. Штотуку минав низ сите работи кои Bixby сакаше да ми ги покаже и не пронајдов ништо интересно. На крајот едноставно ја исклучив опцијата Bixby Home, но за жал Google Home не може да ја замени”.
4. Камерата на Pixel 2 можеби не е “позната”, но е подобра од камерата на Galaxy S9
“Фотографиите кои ги прави Pixel 2 се подлабоки, со поживи бои и подинамичен контраст. Од друга страна, бојата на фотографиите кои ги прави Galaxy S9 изгледаат бледо, контрастот е многу поплиток во споредба со оние на Pixel 2”.
5. Сензорот за отпечаток на прстот на Pixel 2 е значително посупериорен
“Сензорот за отпечаток на прстот на Pixel 2 е побрз, порепспонзивен и попрецизен, додека кај Galaxy S9 бара и друг обид и генерално е побавен. Тоа можеби се чини како тривијална работа, но замислете колку пати во текот на денот го отклучувате телефонот. Galaxy S9 на тоа поле ќе биде фрустрирачки бавен и несигурен”, вели Боаз.
“Значително го ценам убавиот премиум дизајн на Galaxy S9, но овој телефон е значително потежок од Pixel 2. Тоа секако, не значи дека ќе ви испадне од рака додека го користите, но Pixel 2 е генерално поудобен за употреба”.