На 11 март во Скопје, легендарниот фолк-пејач Мирослав Илиќ ќе прослави 45 години музичка кариера. Токму од нашиот главен град почнува неговата славеничка турнеја која ќе опфати повеќе градови од цела поранешна Југославија. Концертот е закажан во „Метрополис арена“. Станува збор за славенички концерт кој заради поводот – 45 години јубилеј, ќе биде со поразлична концепција.
Предвидено е концертот да трае неколуку часа, а во кои ќе се потсетиме на безвременските хитови од неговата 45-годишна кариера. На оваа боемска вечер Мирослав Илиќ ќе има музичка поддршка од нашиот Ефто Пупиновски. Легендата на фолк музиката е пресреќен за овој негов редок јубилеј и за својата работа која ја обожува. „Божанствена жено“,Поздрави је, поздрави“, „Један дан живота“, „Зовеш ме на вино“, „Теби“, се само дел од темите кои ќе се најдат на репертоарот на човекот кој своите студентски денови ги поминал во Скопје, што е уште еден од поводите зошто токму од кај нас ја стартува својата голема турнеја. Популарниот фолк пејач ја покани македонската публика на една голема журка. Ако ви се игра – играјте, ако ви се пее – пејте! Добредојдовте и живели – вели Мирослав во поканата за дружба со македонската публика.