Министерството за здравство и Фондот за здравствено осигурување на Македонија, вчера со одлична вест ги израдуваа стоматолозите.Капитацијата која изнесуваше 35 денари по пациент, од први јануари 2016-тата се зголемува за 14 отсто.Ова е само една од мерките спроведени преку одличната соработка која стоматолозите ја имаат со институциите, а важноста од истата беше нагласена денес, на одбележувањето на 20-годишнината од формирањето на Стоматолошката комора на Македонија.Директорот на Фондот за здравствено осигурување, кој по професија е стоматолог, Сашо Стефаноски посочи дека од оваа мерка бенефит ќе имаат пациентите од 963 стоматолошки ординации кои имаат склучено договор со ФЗОМ.Директорот на ФЗОМ потенцира дека грижата за пациентите и помошта за стоматолозите продолжува и потсети на други мерки спроведени во оваа насока.Стоматолозите оваа мерка ја прифатија со огромно задоволство и искажаа благодарност до надлежните институции.Директорот на Стоматолошката комора на свеченото одбележување на јубилејот им се заблагодари на сите заслужни за постоењето и работата на Комората и на сите оние кои ги штитат интересите на докторите по дентална медицина.На прославата на овој јубилеј присуствуваа министерот за финансии Зоран Ставрески и министерот за здравство Никола Тодоров.