Спасов: Нови капацитети за згрижување на деца во Скопје

Општина Ѓорче Петров ќе добие нова детска градинка со капацитет за 150 деца. Просторија од основното училиште Ѓорче Петров во населба Дексион ќе се пренамени и адаптира во детска градинка. Градежните работи се веќе во тек и се очекува веќе наредната година, најдоцна во март да започне со работа како нова современа детска градинка. За еден месец ќе се започне изградбата и на нова детска градинка во месната заедница „Мирче Ацев“ за уште 50 дечиња.