Сите невработени лица кои имаат бизнис идеја до крајот на јануари можат да аплицираат за грант за самовработување преку отворање сопствен мал бизнис. Мерката за самовработување преку грант се реализира од 2007 година и е една од најуспешните мерки за вработување кои ги реализира Владата на РМ.За реализација на оваа мерка за самовработување годинава се предвидени средства од 207 милиони денари, со кои треба да се отворат 920 мали бизниси и да се остварат околу 1.000 вработувања.Од 2007 до сега преку мерката се основани над 7.700 компании. За годинава се планира основање и создавање нови 920 компании или отворање на 1.000 нови вработувања. Заинтересираните барањата можат да ги поднесат до сите центри за вработување во Македонија, и да се информираат за условите и на веб страницата www.samovrabotuvanje.mk .