Ситауацијата е стабилна и добра. Сите надлежни институции се на терен и ќе останат и натаму за да одговорат на предизвиците што ќе се појават од најавеното време. Граѓаните да не патуваат и да не излегуваат од дома доколку немаат поголема голема потреба. Да носат топла облека, да конзумираат топли напитоци и доколку треба да …
Ситауацијата е стабилна и добра. Сите надлежни институции се на терен и ќе останат и натаму за да одговорат на предизвиците што ќе се појават од најавеното време. Граѓаните да не патуваат и да не излегуваат од дома доколку немаат поголема голема потреба. Да носат топла облека, да конзумираат топли напитоци и доколку треба да работат на отворено тоа да го прават со паузи, се дел од препораките до граѓаните во пресрет на најавениот студен бран што според УХМР ќе ја зафати земјава од вечева. Температурите се очекува во текот на ноќта да се спуштат до -13 степени, а во недела до -20 степени.Од Центарот за управување со кризи информираат дека сите кризни штабови се активирани и дека се мобилизирани сите ресурси во справување со предизвиците.Зајакната е и итната медицинска помош, а скопската ќе работи со 12 екипи во смена и дополнителни две кои ќе бидат на повик. Инаку, има прекини во сообраќајот за тешки товарни возила на Стража и Маврово-Дебар и од попладнево и на Пресека. Воздушниот и железничкиот сообраќај се одвиваат без застои. Дефектот со снабдувањето со електрична енергија во тетовско и на потегот кај Шуто Оризари, веќе е саниран.
