Ристовски: Реновирањето во студентскиот дом „Гоце Делчев“ со одлична динамика

Реконструкцијата и реновирањето на Блокот А од Студентскиот дом „Гоце Делчев“ е во тек. 50 % од Блокот А веќе е реновиран, се очекува за следната академски година да биде целосно завршен и студентите да добијат подобри услови за престој. Ова е втор блок од студентскиот дом кој што се реконструира. Заменик министерот за образование и наука Спиро Ристовски денеска изврши увид во градежните работи и констатираше дека реконструкцијата се одвива со одлична динамика. Тој посочи дека целиот процес на реконструкцијата е од исклучително значење на студентите кои што треба во следната академска година да ги користат овие простории и најави дека во текот на летото во сите студенстки домови во Скопје ќе бидат поставени нови лифтови. Директорката на студентскиот дом „Гоце Делчев“ Даниела Темелкова рече дека студентскиот дом располага со сместувачки капацитет за 1.200 студенти, а конкретно блок А што моментално се реконстуира располага со 314 легла.