Реновирано депото на МСУ, ќе се реконципира постојаната музејска поставка

Реновирањето на просторот со над 1.500 метри квадратни беше меѓу капиталните инвестиции на Министерството за култура. Покрај главната галерија со постојаната поставка, во две други галерии во Музејот ќе се организираат повремени и гостувачки изложби, активности за промовирање млади уметници.
Неодамна заврши и реновирањето на депото, што беше дел од владиниот проект за реновирање на депоата во сите музејски институции. Новиот директор на Музејот на современа уметност Лазе Трипков е задоволен од постојаната поддршка која МСУ ја добива од ресорното министерство и соопшти дека со Канческа-Милевска разговарал за идните насоки и активности на институцијата.
Трипков посочи и на проектот за дигитализација кој почна во 2008 година, со кој репрезентативните дела на МСУ стануваат достапни не само за домашната, туку и за странската јавност.