Пуштен во употреба новиот модерен кружен тек во Гази Баба

Во присуство на градоначалникот на град Скопје, Коце Трајановски, министерот за транспорт и врски, Владо Мисајловски, градоначалникот на општина Гази Баба, Тони Трајковски и претседателот на ВМРО-ДПМНЕ Никола Груевски, денеска официјално беше пуштен во употреба новиот кружен тек во општина Гази Баба.Нов кружен тек меѓу улиците „16. Македонска бригада„ и „Коце Металец“ кој ги поврзува населбите Автокоманда и Железара во општина Гази Баба е финансиран од Градот Скопје со вкупна вредност од 53,6 милиони денари.Новото сообраќајно решение ќе придонесе да се зголеми безбедноста на сите учесници во сообраќајот кои транзитираат од населбата Автокоманда кон Бутел и Чаир и обратно.Груевски истакна дека станува збор за одлично завршен проект што ќе овозможи поголема безбедност на сообраќајот во овој дел. Градоначалникот Трајковски истакна дека кружниот тек е реализација на ветување до граѓаните бидејќи, како што рече, на овој дел од населбата се случувале многу сообраќајни незгоди. Кружниот тек е осветлен со 35 столба со моќност од 250 вати. Во средишниот дел на кружниот тек и од страните уредена е вкупна зелена површина од 11.800 квадратни метри. Во зеленилото е поставен систем за полевање со 34 прскалки, 22 хидранти, 13 шахти и четири шахти за систем капка по капка. Во кошницата што го краси кружниот тек и околу неа се засадени околу 10.000 цвеќиња.