Нови десет наслови од проектот Превод на стручни книги и учебници од кои се учи на првите десет рангирани светски универзитети беа промовирани попладнево во читалната „1000 книги“, со што вкупниот број на преведени и отпечатени книги достигна 977. Проектот за превод на илјада книги ќе се надоплни со уште 200. Заменик-министерот за образование и наука Спиро Ристовски истакна дека целта на овој проект е достапност до квалитетни учебници на мајчин јазик. На промоцијата, која е 61-ва од почетокот на проектот во 2009 година, присуствуваше лидерот на ВМРО-ДПМНЕ Никола Груевски. Истакна дека проектот кој е во завршница е многу успешен и корисен за студентите, професорите и научниците.