Премиерот им подари новогодишни пакетчиња на децата од СОС Детско село

Децата сместени во СОС Детското село во Скопје денеска добија новогодишни пакетчиња од премиерот Никола Груевски. Тој заедно со заменик министерот за труд и социјална политика Диме Спасов ја проследи и новогодишната претстава што децата ја подготвија за нив. Премиерот им ја честиташе Новата 2016 година на дечињата и на вработените во СОС Детското село. Националниот директор на СОС Детското село Јулијана Накова Гапо се заблагодари за поддршката што децата ја добиваат од Владата во изминатите години, посочувајќи дека државата одвојува средства за сите 90 деца кои престојуваат таму.