Нова детска градинка која ќе згрижи 100 дечиња започна да се гради денес во Горно Лисиче не местото на некогашната стара спортска сала во дворот на ОУ „Гоце Делчев“.Објектот ќе содржи две големи занимални, кујна, санитарни јазли, простор за прием и административен простор, а ќе ги исполнува и сите стандарди овозможувајќи современи услови за згрижување …
Нова детска градинка која ќе згрижи 100 дечиња започна да се гради денес во Горно Лисиче не местото на некогашната стара спортска сала во дворот на ОУ „Гоце Делчев“.Објектот ќе содржи две големи занимални, кујна, санитарни јазли, простор за прием и административен простор, а ќе ги исполнува и сите стандарди овозможувајќи современи услови за згрижување и престој на децата од предучилишна возраст.Премиерот Груевски кој присуствуваше на почетокот на изградбата на градинката истакна дека истата била потреба во овој дел од градот и на барање на граѓаните бидејќи ја немало, но и за затоа што во општина Аеродром се зголемува бројот на млади семејства кои имаат се повеќе деца.Премиерот апелираше изградбата и опремувањето на градинките, со промените кои се случија по политичките договори, да не се кочи бидејќи тоа не е во интерес на децата. Градоначалникот на општина Аеродром истакна деца се реновирани постоечките градинки во општината, а поради потребата најави изградба и на нови објекти на децата.-Со новата градинка што денес започнуваме да ја градиме нема да запреме, туку во текот на ова година ќе изградиме нов објект на градинката „Срничка“ со капацитет за прифаќање 200 дечиња. Во 2017 година, пак, во рамки на градинката „Буба Мара“ ќе изградиме уште еден нов објект со капацитет за 200 деца, истакна Коневски.Заменик министерот за труд и социјална политика истакна дека во изминатиот период поради позитивните трендови во демографските состојби се соочиле со потребата за отворање на нови градинки.Инаку, изградбата на градинката е ветување кое премиерот го даде пред жителите од ова населено место при теренската посета во септември минатата година.
