Целосно се завршува изградбата на булеварот „Србија“ кој ќе ги поврзе населбите Кисела Вода, Припор и Сопиште со општина Аеродром и ќе овозможи побрзо, побезбедно и поефикасно движење. Претседателот на ВМРО-ДПМНЕ Никола Груевски, заедно со министерот за транспорт и врски Владо Мисајловски и градоначалниците на Град Скопје и општина Кисела Вода, Коце Трајановски и Билјана …
Целосно се завршува изградбата на булеварот „Србија“ кој ќе ги поврзе населбите Кисела Вода, Припор и Сопиште со општина Аеродром и ќе овозможи побрзо, побезбедно и поефикасно движење. Претседателот на ВМРО-ДПМНЕ Никола Груевски, заедно со министерот за транспорт и врски Владо Мисајловски и градоначалниците на Град Скопје и општина Кисела Вода, Коце Трајановски и Билјана Беличанец Алексиќ, денеска изврши увид во градежните работи на третата фаза на булеварот „Србија“. Трајановски потсети дека со оваа фаза се опфатени 868 метри и целосно ќе се заокружи изградбата на булеварот „Србија“. Градоначалникот на Град Скопје информираше дека во моментов се работат и други проекти во општина Кисела Вода. Во фаза на изградба е и булеварот „Борис Трајковски“, кој треба да биде готов до средината на следната година. Се работи и на булеварот „Народни херои“, кој ќе биде завршен за неполн месец, а за следната година ќе биде вториот дел од овој булевар. За следната година, исто така се предвидува и во фаза на изработка е техничката документација и вадење дозволи за улицата „Есенинова“, која ќе ја поврзе Кисела Вода со Аеродром.
