Повредените патници во бугарскиот автобус кој на 2-ри месецов излета коловозот на патот меѓу Ранковце и Крива Паланка го демантираат возачот кој тврдеше дека причина за несреќата бил камион кој навлегол во спротивната лента. Стефан Стефанов, еден од наставниците кои се превезуваа во автобусот, за бугарската телевизија „Нова“ изјавил дека камион немало и оти возачот …
Повредените патници во бугарскиот автобус кој на 2-ри месецов излета коловозот на патот меѓу Ранковце и Крива Паланка го демантираат возачот кој тврдеше дека причина за несреќата бил камион кој навлегол во спротивната лента. Стефан Стефанов, еден од наставниците кои се превезуваа во автобусот, за бугарската телевизија „Нова“ изјавил дека камион немало и оти возачот возел со над 70 километри на час. – Камион немаше. Ако имаше, би требало да ги видам светлата, рекол Стефанов, кој бил буден во моментот на несреќата. Според него, брзината со која возел возачот не одговарала на условите на патот бидејќи имало дупки на коловозот. Неговото тврдење го поддржува и Дијана Станчева, која исто така била во превртениот автобус. Пред една недела, возачот на автобусот Љубомир Лазаров тврдеше дека причина за несреќата бил камион што навлегол во спротивна лента. Од фирмата на превозникот тврдеа дека возачот одмарал 48 часа пред патувањето кон Македонија. Автобусот бил произведен во 1998 година. Во несреќата од вкупно 43 патници беа повредени 26, а од нив пет потешко.
