Целосно руиниран објект во општина Кисела Вода, денеска е комплетно нов современ Дом на културата.Станува збор за темелно реконструиран објект изграден во 1959 година, руиниран и надвор од употреба од 1990 година за чија обнова се инвестирани 42 милиони денари од Министерството за култура и девет милиони денари од локалната самоуправа.Лидерот на ВМРО-ДПМНЕ Никола Груевски заедно со министерката за култура Елизабета Канческа-Милевска и градоначалничката на општина Кисела Вода Билјана Беличанец-Алексиќ денеска официјално го пуштиja во употреба новиот Дом на културата во Кисела Вода „Кисела Вода – Кино“ (КВК).Објектот има можности за одржување театарски претстави бидејќи има 169 седишта и одлична театарска сцена, библиотека и многу други простории.Новиот Дом на култура во Кисела Вода е на површина од околу 900 метри квадратни. Просторот е збогатен и со дополнителни содржини како кафетерија, а во подрумскиот дел е сместен делот за релаксација во кој граѓаните на општината ќе може да го поминуваат своето слободно време. Во подрумот има и мала сала во која ќе може да се подготвуваат театарските претстави. А Во дел од контролната кула е сместена контролна соба и остава.