Францускиот претседател Франсоа Оланд најави денеска дека ќе прогласи состојба на природна катасторофа, откако земјата е погодена од обилни поплави. Илјадници лица веќе се евакуирани, а премиерот Мануел Валс нагласи дека е потребно да се евакуират уште најмалку 2.000 луѓе. – Ситуацијата останува тешка во некои области. Се уште имаме многу причини за загриженост, изјави …
Францускиот претседател Франсоа Оланд најави денеска дека ќе прогласи состојба на природна катасторофа, откако земјата е погодена од обилни поплави. Илјадници лица веќе се евакуирани, а премиерот Мануел Валс нагласи дека е потребно да се евакуират уште најмалку 2.000 луѓе. – Ситуацијата останува тешка во некои области. Се уште имаме многу причини за загриженост, изјави Валс. Поројните дождови во цела Франција принудија илјадници луѓе да ги напуштат своите домови.
Во Париз нивото на реката Сена надмина пет метри. Во француската престолнина и во соседните департмани е прогласена претпоследната, портокалова фаза за опасност. Се очекува пикот на поплавите во Париз да се случи денес попладне. Тогаш нивото на Сена може да достигне 5,50 метри, посочуваат британските медиуми. Државната железничка компанија Ес-Ен-Се-Еф (SNCF) ја затвори подземната метро линија долж течението на Сена, што туристите ја користат за да стигнат до Ајфеловата кула и катедралата Нотр дам, две од најпознатите места во француската преслонина.
И музејот Лувр денес ќе биде затворен. Целта е да може да се евакуираат некои колекции, доколку тоа се покаже за потребно.
