Во Македонија влегуваат 5 нови инвестиции, кои ќе отворат околу 950 директни и околу 1000 индиректни вработувања.Добиена е гаранција за кредитирање од германската Влада во вкупна вредност од 240 милиони долари за започнување на инвестицијата и работа на рудникот Иловица, Општина Босилово.При градежните работи ќе бидат ангажирани околу 1000 градежни работници, а во фаза на експлатација над 600 рудари, и други вработени. Почетокот на инвестицијата би бил во текот на есента. А во текот на јули италијанската компанија Технокозе ќе отпочне со градба на својот трет погон, на нови 5 илјади м2 во зоната Бунарџик при што ќе отвори околу 100 нови работни места.И германски Кеслер кој е меѓу првите странски инвеститори од електромашинската индустрија во Македонија ќе отворат производствен погон во ТИРЗ Скопје 1.Германска компанија од областа на информатичката технологија донела интерна одлука да инвестира во Скопје, во капацитет за развој на софтвер.Инаку од почетокот на годината почнаа, односно објавија инвестиција 18 компании, меѓу кои Симфони Солушнс – холандска инвестиција во ИТ секторот, со нови 200 вработувања. Инвестицијата на Џонсон контролс во Струмица ќе овозможи најмалку 2.500 директи и индиректни вработувања. Во Кочани наскоро ќе се реализира кинеска инвестиција за производство на опрема за оризопроизводството со системот капка по капка преку потенцијалниот инвеститор Ванг Донг.