Нови 1.300 до 1.400 вработувања се очекуваат да се отворат во технолошко-индустриските развојни зони до крајот на годината. Заклучно со минатата година во технолошко-индустриските зони се отворени 5.100 работни места, а само годинава се креирани 1.050 работни места. Директорот на Дирекцијата на ТИРЗ, Виктор Мизо денеска при посетата на компаниите „Хајтек“ и „Ванхул“ во ТИРЗ …
Нови 1.300 до 1.400 вработувања се очекуваат да се отворат во технолошко-индустриските развојни зони до крајот на годината. Заклучно со минатата година во технолошко-индустриските зони се отворени 5.100 работни места, а само годинава се креирани 1.050 работни места.
Директорот на Дирекцијата на ТИРЗ, Виктор Мизо денеска при посетата на компаниите „Хајтек“ и „Ванхул“ во ТИРЗ го информираше премиерот Емил Димитриев дека во моментов се во различни фази на преговори со неколку странски компании кои се заитересирани да инвестираат во Македонија.
Мизо истакна дека во време на политичката криза, странските инвеститори само ги пролонгирале одлуките за инвестирање, но во ниту еден момент не донеле конечна одлука дека нема да инвестираат во Македонија.
Димитриев посочи дека очекува извештајот на ИБМ според која Македонија е на првото место во светот по новоотворени работни места од странски директни инвестиции, дополнително да влијае во привлекувањето на нови инвеститори во Македонија.
Димитриев беше информиран од раководството на македонската компанија „Хајтек“ дека до крајот на годината очекуваат да се заврши градењето на фабриката и согласно планот да се вработат вкупно 300 лица. Компанијата „Ванхул“ пак која го гради вториот свој капацитет во Македонија ќе инвестира 15 милиони евра и планира да се отвори 400 директни работни места.
