Модриќ донесе победа за Реал Мадрид

Со голот на Лука Модриќ во 85.минута Реал Мадрид стигна до победата на гостувањето кај Гранада на синоќешниот дуел од 23.коло од Примера.„Кралскиот клуб“ поведе во 30.та минута со голот на Карим Бензема, додека Гранада изедначи преку резервистот Јусеф Ел Араби во 60.та минута, кој две минути претходно влезе во игра.Со победата Реал го задржа чекорот со водечкиот тандем Барселона и Атлетико Мадрид.На табелата Барселона е на лидерската позиција со 54 бодови, Атлетико Мадрид со 51, Реал Мадрид е на третото место со 50, Виљареал 45, Севиља на петтата позиција со 37, а следуваат Атлетик Билбао и Селта.