Претседателот на ВМРО-ДПМНЕ, Христијан Мицкоски денеска беше во посета на Тиквешкиот регион каде оствари средба со лозарите кои пак му ги посочија проблемите и тешкотиите со кои се соочуваат. Во гостувањето во вестите на телевизија Алфа, Мицкоски посочи дека состојбата со лозарите е алармантна, земјоделците се со план да ги напуштат нивите, а најголемот дел …
Претседателот на ВМРО-ДПМНЕ, Христијан Мицкоски денеска беше во посета на Тиквешкиот регион каде оствари средба со лозарите кои пак му ги посочија проблемите и тешкотиите со кои се соочуваат.
Во гостувањето во вестите на телевизија Алфа, Мицкоски посочи дека состојбата со лозарите е алармантна, земјоделците се со план да ги напуштат нивите, а најголемот дел од нив имаат во план да ја напуштат Македонија.
-Министерот за земјоделие, но и останатите практично функционери во министерството за земјоделие и Владата ветуваат дополнителни стимуалации кои што ни одблиску не ги покриваат елементарните трошоци на лозарите овдека во Тиквешијата. Можам да заклучам врз основа на она што го слушан како сведоштво дека ситуацијата со овие земјоделци, со лозарите е алармантна и дека не само што средства нема за позитивен есап на крајот оваа реколта, а за дополнителни средства кои што ќе значат дополнително вложувања или стабилност во следните реколти не станува ни збор. Истото она сведочење кое што го слушав во Кочани од оризарите истото тоа сведочење го слушнав тука и од лозарите дека доколку продолжи оваа состојба во земјоделието планираат да ги напуштат нивите и да се заминаваат со нешто друго, а најголем дел од нив велат дека ќе ја напуштат Македонија и нивните родни огништа, вели Мицкоски.
