Мерката за ангажман на врвни тренери од странство во спортските академии каде се градат младите и идни врвни спортисти, наиде на многу позитивни критики. Вчера, само еден ден по нејзиното промовирање, ја поздравија врвни спортски имиња. Пофални зборови за истата, денеска кажаа заменик министерот за образование и наука, директорот на Спортската академија, како и младите спортисти од Академијата. Веќе се разгледува кои врвни имиња би можеле да бидат дел од Спортската академија. Подготовките ќе започнат насокоро, а на почетокот на следната учебна година, избраниот тренер ќе треба да ги почне своите активности за потребите на Академијата. Младите спортисти велат дека ангажирањето на врвни спортски тренери ќе донесе голем бенефит за нив. Инаку, мерката за ангажман на врвни тренери од странство во спортските академии, е една од 4-те мерките од областа на спортот кој ги промовираше лидерот на ВМРО-ДПМНЕ Никола Груевски.