Македонија и Израел имаат одлични односи, соработката се зацврстува

Премиерот Груевски, денеска во Ерусалим, оствари средба со премиерот на Државата Израел, Бенјамин Нетанјаху.Потврда за одличните односи меѓу двете држави, и заложбите за нивно континуирано унапредување, се и трите документи кои денес беа потпишани од страна на двете земји. Тие отпишаа Декларација за пријателство меѓу Република Македонија и Државата Израел од стратешко значење, документ кој претставува значајна основа за остварување на продлабочена соработка меѓу двете држави. Премиерот Груевски со својот израелски колега разговараше и за остварување на соработка во други полиња од взаемен интерес, како што се земјоделието, обновливата енергија, можностите за искористување на хидро-потенцијалот и туризмот. Двајцата премиери разговараа и за теми кои што се глобални предизвици, како што е борбата против тероризмот и мигрантската криза. Тој додаде дека постои и потенцијал во економијата кој исто така треба да биде соодветно искористен, и дека Државата Израел ќе остане поддржувач и пријател на Република Македонија. Двајцата премиери изразија цврсто уверување дека и во иднина традиционално пријателските односи меѓу двете земји ќе продолжат да се интензивираат во сите области од взаемен интерес, вклучително и во економијата како област со огромен потенцијал. Премиерот Груевски го покани својот колега Нетанјаху да ја посети Република Македонија.