Компаниите задоволни од грантовите доделени од Фондот за иновации

Компанијата „ДТК Смарт – тек“ е компанија која доби грант од 26,5 илјади евра од првиот повик што го распиша Фондот за иновации и технолошки развој. Спин оф компанијата која е основана од група професори на Факултетот за електротехника и информатички технологии во Скопје направи компјутерски систем за енергетска ефикасност наменет пред се за индустриските капацитети. Директорката на Фондот за иновации Јасмина Поповска, која заедно со заменик-министерот за образование и наука Спиро Ристовски денеска беа во посета на компанијата, информираше дека веќе е завршен и вториот повик за кој ќе се обезбедени 1 милион и 300 илјади евра. Првиот повик кој беше наменет за старт ап и спин оф компании беше објавен во февруари, а во јуни беа потпишани договорите со 16-те избрани компании. За овој повик беа обезбедени 458 илјади евра.