Општина Кисела Вода со низа културни активности по 18 пат го одбележа патрониот празник-Ѓурѓовден.
Прославата започна со цветно дефиле во кое учество земаа дечињата од сите детски градинки и основни училишта од општината. Со радост и песна предводени од двокатен панорамски автобус накитен со цвеќе, дечињата продефилираа низ улиците на општината. За засилената празничната атмосфера се погрижи ансамблот „Македонија“.
Цветната поворка на дечињата започна од Булеварот „Борис Трајковски“ и се движеше кон крстосницата на улицата „ Народни херои“ и „Борис Трајковски“.
По раздвижување на целата општина дефилето финишираше во новиот парк во Кисела Вода наспроти основното училиште Кирил Пејчиновиќ каде што прославата продолжи со културно забавна програма.
Минатата година во чест на патрониот празник во општина Кисела Вода беше пуштено во употреба игралиште за деца со посебни потреби додека оваа година жителите ќе го паметат по детската градинка во Пинтија која е во завршна фаза.
Веќе до општината пристигнал и првиот предлог за името на градинката да биде Ѓурѓица. Оваа идеја ќе се најде како предлог на првата наредна седница на Советот на општината
