Во Бунарџик од денеска и официјално е отворен вториот производствен погон на италијанската индустриска групација „Витило“. Инвестицијата е вредна 10 милиони евра и ќе генерира 100 нови вработувања. Лидерот на ВМРО-ДПМНЕ Никола Груевски, вчера во вестите на Сител го најави отворањето на втората фабрика на Технохосе (Vittilo/Витек Македонија). Како што денеска истакна генералниот директор на …
Во Бунарџик од денеска и официјално е отворен вториот производствен погон на италијанската индустриска групација „Витило“. Инвестицијата е вредна 10 милиони евра и ќе генерира 100 нови вработувања. Лидерот на ВМРО-ДПМНЕ Никола Груевски, вчера во вестите на Сител го најави отворањето на втората фабрика на Технохосе (Vittilo/Витек Македонија). Како што денеска истакна генералниот директор на „Витек Македонија“, Антонио Витило, компанијата предвидува и трета инвестиција наредната година со што вкупното вложување ќе се заокружи на 30 милиони евра, а вработени ќе бидат преку 300 лица. Вицепремиерот Пешевски потенцираше дека новата инвестиција на Витило е уште една потврда за одличната соработка на Владата со странските вложувачи. Вицепремиерот потсети и на најавените инвестиции во Полошкиот регион, во Охрид, Кичево, Штип и Пробиштип кои во фази ќе вработат дополнителни 7.000 лица. – Големиот број инвестиции за краток временски рок е доказ дека не очекува успешна инвестициска година, рекордна по бројот на инвестиции, истакна Пешевски. Според италијанскиот амбасадор Ернесто Белели, реализацијата на втората фаза од инвестицијата на Витило е доказ за довербата на италијанските инвеститори во Македонија. Белели потсети дека во ТИРЗ- Скопје има три италијански компании. Групацијата Витило е присутна во Македонија од 2011 година. Произведува хидраулични спојки за висок поритисок и гумени црева за голем број индустрии. Производството од Македонија е наменето за Европа, земјите на Заливот и Америка. „Витило“ моментно е оперативна на површина од 12 илјади метри квадратни од кои 5.000 се наменети за логистика. Во првата фаза Витило во Македонија инвестираше 5 милиони евра и креираше 50 работни места. На отворањето на новиот погон присуствуваа и вицепремиерот и министер за финансии Зоран Ставрески, како и лидерот на ВМРО-ДПМНЕ Никола Груевски.
