При денешна посета во радовишкиот регион, на средбите со граѓаните, претседателот на ВМРО-ДПМНЕ Никола Груевски заедно со министерот Владо Мисајловски и заменик-министерот Ванчо Костадиновски утврдија неколку проекти кои ќе се реализираат во овој регион.Во радовишкото село Ораовица ќе се гради кејот на Ораовичка Река со финансии преку Агенцијата за рурален развој. Во Ораовица е во тек изградба на повеќенаменско игралиште, инвестиција на Општината во износ од 10 милиони денари.На барање на жителите Општината ќе аплицира за финансии од Владата и за изградба на детско катче. На средбата жителите побараа да им се излезе во пресрет за проблемот со впишување во Катастар на 400 од вкупно 600 објекти во селото. Тие кажаа дека го пропуштиле рокот и побараа да добијат таква можност и да се намалат трошоците.Земјоделците и тутунопроизводителите истакнаа дека се задоволни од исплатата на тутунот. Заменик министерот за земјоделство Костадиновски рече дека досега се исплатени 10 милиони евра за субвенции од кои 2 милиони евра за земјоделците и тутунарите.