Вкупно 40 милиони евра ќе им бидат достапни на македонските компании преку Регионалниот фонд за иновации чија канцеларија во Скопје од денеска и официјално почнува со работа. Средствата се пред се наменети за старт-ап бизнисите, малите и средните претпријатија. Македонија е прва земја потписничка на Договорот за основање на Регионалниот фонд кој освен во Скопје …
Вкупно 40 милиони евра ќе им бидат достапни на македонските компании преку Регионалниот фонд за иновации чија канцеларија во Скопје од денеска и официјално почнува со работа. Средствата се пред се наменети за старт-ап бизнисите, малите и средните претпријатија. Македонија е прва земја потписничка на Договорот за основање на Регионалниот фонд кој освен во Скопје канцеларии има и во Белград и Загреб.
Регионалниот фонд за иновации финансиски ќе партиципира со висина на средства од 25 до 49 отсто од сопственоста на компаниите при што ќе бидат инвестирани 500 илјади до два милиони евра по компанија.
Регионалниот фонд за иновации е резултат на заложбите на Европската комисија и Европскиот инвестициски фонд, а е проектиран на вкупно 140 милиони евра со кои се опфатени и Србија, Црна Гора, Хрватска, БиХ, Албанија и Косово.
