Во изминатите две години преку мерката за субвенционирано вработување на лица од социјално ранливите категории се вработиле вкупно 126 лица во 114 приватни компании.По шестмесечно кочење на прoектот, денес и официјално беше објавен првиот оглас за вработување на 100 лица од социјално ранливите категории преку мерката за субвенционирано вработување. За таа цел ќе бидат издвоени …
Во изминатите две години преку мерката за субвенционирано вработување на лица од социјално ранливите категории се вработиле вкупно 126 лица во 114 приватни компании.По шестмесечно кочење на прoектот, денес и официјално беше објавен првиот оглас за вработување на 100 лица од социјално ранливите категории преку мерката за субвенционирано вработување. За таа цел ќе бидат издвоени 16 милиони и 600 илјади денари. Министерот за труд и социјална политика Диме Спасов денес беше во посета на фирмата „Идадија Инжинеринг“ која е еден успешен пример и каде има вработени лица преку оваа мерка. -Еден од приоритетите на Владата на Република Македонија е поддршката за социјално ранливите категории на граѓани. Се трудиме изминатите години, изминатиот период преку низата мерки да го подобриме животот на овие наши сограѓани преку зголемување на паричните помошти, преку еднократниот отпис на долговите, субвенционирањето на потрошувачката на енергија, како и низа други проекти, рече Спасов.
