Димитриев оствари средба со мониторинг комисијата на Советот на Европа

Претседателот на Владата за спроведување на изборите, Емил Димитриев, денеска оствари средби со Лиза Кристоферсон и Валериј Гилечи, известители на Комисијата за почитување на обврските и заложбите на земјите членки на Советот на Европа.На средбата била поздравена соработката помеѓу Република Македонија и Советот на Европа, и била истакната заложбата и потребата за организација на фер, кредибилни и демократски избори.Димитриев истакнал дека Владата работи со полн капацитет и презема мерки и активности во насока на организирање на фер, кредибилни и демократски избори на 24 април.Соговорниците разговарале и за процесот за унапредување на медиумскиот амбиент. Димитриев ја истакнал владината позиција дека постоечкиот закон кој е изработен во соработка со Европската Комисија е добар. Во функција на унапредување на амбиентот за изборите, Димитриев веќе има испратено изјава и инструкција до сите носители на јавни функции во која се потенцира значајноста и неприкосновеноста на правото на слободно гласање.