Димитриев: Државна и осум комисии на локално ниво ќе одговараат на барања на ДИК

МВР ќе формира работна група на државно ниво и осум на локално ниво коишто на дневна основа ќе одговараат на барањата на Државната изборна комисија, во врска со прашања поврзани со предвремените парламентарни избори закажани за 5 јуни.Ова беше договорено на денешната средба на која присуствуваше премиерот задолжен за спроведување на изборите, Емил Димитриев, членови на ДИК, како и министерот за внатрешни работи Оливер Спасовски, дополнителниот заменик министер за внатрешни работи Митко Чавков.Премиерот за спроведување на изборите од страна на ДИК бил информиран дека се очекува вкрстувањето на податоците да заврши викендов и оти од наредната недела треба да почне теренска проверка на податоците.Викендов ќе заврши можноста за проверката на податоците на граѓаните преку апликацијата која е поставена на страницата на ДИК и потоа ќе се знае точната бројка на граѓани кои доставиле пријави. Од страна на ДИК Димитриев бил информиран дека Комисијата има капацитет многу бргу да постапи по пријавите од граѓани и да ги рачисти дилемите што се однесуваат на Избирачкиот список.