За потврдување на ефектите од канабисот потребни се строго дефинирани дополнителни клинички студии со кои ќе се потврди терапевтскиот ефект и користење во строго дефинирани индикации. Медикаментите на база на канабис засега даваат резултати само во симптоматската терапија. Ова денеска го констатираа доктори-специјалисти од различни медицински области, како и фармацевти, претставници на граѓанскиот сектор и …
За потврдување на ефектите од канабисот потребни се строго дефинирани дополнителни клинички студии со кои ќе се потврди терапевтскиот ефект и користење во строго дефинирани индикации. Медикаментите на база на канабис засега даваат резултати само во симптоматската терапија. Ова денеска го констатираа доктори-специјалисти од различни медицински области, како и фармацевти, претставници на граѓанскиот сектор и граѓански здруженија на јавната дебата на тема „Примената на индискиот коноп и канабиноидите во медицински цели“. Министерот за здравство на отворањето на дебатата, а во контекст на употребата на канабисот во Европа информира дека минатиот месец, вкупно 13 земји од ЕУ овозможиле употреба на канабисот во медицински цели- Тие се Чешка, Финска, Романија, Италија, Шпанија, Холандија, Франција, Австрија, Португалија, Германија, Англија, Словенија и Хрватска. Министерот го поздрави присуството на доктори-специјалисти од различни медицински области кое, како што рече, ќе овозможи од повеќе различни аспекти да се согледаат можните бенефити и ризици од примената на индискиот коноп и канабиноидите во медицински цели. Доктор Крстевски од Центарот за превенција и третман на зависници од дрога при ГОБ „8 Септември“, истакна дека пред се потребно е да се направи разлика меѓу -корисниците на дрога кои употребуваат канабис и лицата кои го користат за лекување. Потенцира дека иницијативата за употребата на канабисот не произлегува од корисниците на дрога, туку од пациентите. Доктор Кузмановски од Клиниката за неврологија појасни дека досега легислативата околу одобрувањето за користење на препаратите од марихуана се единствено кај најтешките и хроничните болни каде што има одобрување за користење за медицински цели но, потенцира, не за излекување, туку како само симптоматска терапија. Дебатата ја организираа Министерството за здравство и Агенцијата за лекови и медицински средства на Република Македонија, а е иницирана од најновите научни и медицински сознанија за употребата на канабисот во медицински цели.
