Во Бунарџик денеска беше поставен камен темелникот на новите производствени погони за автобуси на белгиската компанија Ван Хол со кои двојно ќе се зголеми капацитетот. На поставувањето на камен темелникот присуствуваше и лидерот на ВМРО-ДПМНЕ Никола Груевски.Новиот производствен погон чија инвестицијата која е во вредност од 17 милиони евра, ќе вработи 450 лица како директни …
Во Бунарџик денеска беше поставен камен темелникот на новите производствени погони за автобуси на белгиската компанија Ван Хол со кои двојно ќе се зголеми капацитетот. На поставувањето на камен темелникот присуствуваше и лидерот на ВМРО-ДПМНЕ Никола Груевски.Новиот производствен погон чија инвестицијата која е во вредност од 17 милиони евра, ќе вработи 450 лица како директни и 100-на како индиректни вработувања.Инвестицијата, како што истакна сопственикот Филип Ван Хол, ќе се спроведува во три фази. Во првата фаза во септември годинава ќе се заврши магацинот. Во втората фаза во април 2017 година е предвидено отворање на четири нови производствени линии со кои двојно ќе се зголеми капацитетот за производство на автобуси, а во третата фаза во август 2017 година ќе биде изградена дополнителна комора за фарбање автобуси. Во новиот капацитет се предвидени 450 директни и околу 100 индиректни вработувања.Ван Хол е позитивен пример за соработката помеѓу странските и домашните компании бидејќи до сега имаат соработка со повеќе од 300 домашни фирми, како што е штипска Актива.Во првата фаза Ван Хол инвестираше 25 милиони евра на површина од 39 илјади метри квадратни и го изгради производствениот погон кон крајот на 2013 започна со производство на автобуси.
