Младите во Македонија се сведоци на позитивните промени во општество. Бројните проекти кои Владата на ВМРО-ДПМНЕ ги спроведе во насока на подобрување на животот на младите изминативе 10 години, потекнаа токму од нив.На тема „Проекти за млади и младинска политика“ денеска во Дом на АРМ, во организација на Институтот „Павел Шатев“, претседателот на УМС, Владимир Нелоски ја отвори дебатата потсетувајќи се и правејќи паралела на животот на младите денес и оној пред 10 години.Денеска сликата е поинаква, образованието е подеднакво достапно за сите преку дисперзираните студии со намалената школарина , а средношколците учат од бесплатни учебници.Овозможени се и стипендии за успешните студенти и овозможено им е да студираат на најдобрите универзитети во светот и потоа стекнатото знаење да го искористат и применат во Македонија.Со мерката за вработување на млади до 29 години, во минатите две години се вработија 12.160 млади луѓе.Во изминатиов приод ВМРО-ДПМНЕ и Унијата на млади сили ја посети речиси секоја општина во државата, разговараше со младите за да се утврдат нивните потреби и барања. Нелоски истакна дека и во периодот што следи ќе има уште многу проекти наменети за младите како и дека ќе продолжат со истото темпо на работа.