Иако од Министерството за здравство, тврдат дека превземаат чекори за унапредување на јавното здравство во повеќе категории, сепак реалноста е дека нема никаква реализација, ниту пак подготовка за реализација на бомбастично најавуваните проекти за подобрувења на здравствениот систем кои ги вети СДСМ. Единствено се случува криминална приватизација на јавното здравство, исто како приватизацијата на државните …
Иако од Министерството за здравство, тврдат дека превземаат чекори за унапредување на јавното здравство во повеќе категории, сепак реалноста е дека нема никаква реализација, ниту пак подготовка за реализација на бомбастично најавуваните проекти за подобрувења на здравствениот систем кои ги вети СДСМ. Единствено се случува криминална приватизација на јавното здравство, исто како приватизацијата на државните институции и фирми во 90тите години, истакна Димче Арсовски, портпарол на ВМРО-ДПМНЕ.
-Таква е последна криминална тендерска постапка на Министерството за Здравство, со обидот за приватизација на стерилизацијата во Јавните здравствени институции. И замислете Венко Филипче тоа го нарекува, “Интегрирано менаџирање со иновативни решенија за хируршки зафати и здравствена заштита од болнички инфекции”. А со еден збор претставува приватизација на стерилизацијата на хируршките сали и инструменти во сите здравствени институции во Македонија, вели Арсовски и додава:
„Денес, во Министерството за здравство, ќе се отвара тендерската документација за приватизација на стерилизацијата, а Министерот не одговори на следните прашања:
Според начинот на кој што е подготвен последниот тендер за стерилизција, ќе добиеме приватна компанија со монопол да ја добие грижата за стерилизацијата на зафатите во здравствените институции. Станува збор за област за која во иднина приватна фирма ќе треба да набавува хируршки инструменти, облека за лицата кои влегуваат во операциска сала, дезинфекција на салите, до грижа за медицинскиот отпад“.
Ги повикуваме, потенцира тој, Министерот Венко Филипче и надлежните во Министерството за здравство, да не дозволат судбината на граѓаните да падне во рацете на несериозни приватни компании против кои што се водат судски постапки. -Време е оваа власт да почне да работи во интерес на здравјето на граѓаните.
