Ситуацијата со најголемиот Буџет изгласан до сега од страна на СДСМ и парламентарното мнозинство е иста како и ситуацијата во која се наоѓа Република Македонија, а тоа е катастрофална и тоа од моментот откако дојде СДСМ и Зоран Заев на чело на државата, ова денеска преку прес-конференција го истакна Димче Арсовски од ВМРО-ДПМНЕ.

-Зоран Заев ја втурна Република Македонија во катастрофа од која што нема да може да се опорави државата многу долго време. Да почнеме со катастрофалната наплата на УЈП која престана после месец мај да објавува извештаи. Во првата половина на 2019 година според планираното требало да бидат наплатени 43,4 милијарди денари, а наплатени се околу 39,3 милијарди денари. Катастрофалното работење на УЈП и лошата наплата и лошото работење резултира со разлика од околу 4,1 милијарди денари помалку. Во вториот квартал наплатата е за 12% помалку од планираната наплата според планот на Владата од почетокот на годината кој што беше објавен. Замислете колку се неспособни, во месец април имаме речиси 6% помала наплата од планираната, во месец мај имаме речиси 13% или повеќе од дупло помалку, додека пак во месец јуни имаме речиси 16% помала наплата од онаа која што била планирана на почетокот на годината од страна на Владата на СДСМ, потенцира Арсовски.

Тој додава дека, затоа пак наплатата на рекет од страна на СДСМ се одвива непречено и без застој. Тоа го видовме и со аферата „Рекет“, каде што учинокот им е 100 отсто и немало посериозен бизнисмен во државава кој не бил посетен да си плати рекет од страна на СДСМ.

-Нивото на реализација на капиталните трошоци и капиталните расходи, е катастрофални и ниски 20-тина проценти. Ова е најлошата година за економијата во Република Македонија и тоа е уште еден показател дека оваа Влада на СДСМ и Зоран Заев е неспособна. Тек допрва ќе биде лоша работата во вториот дел од годината 2019 практично откако Зоран Заев неформално го презема министерството за финансии да го раководи. До крајот на годината според сите параметри и прогнози, реализацијата од Буџетот нема да биде повеќе од 50% или ова значи дека реализацијата ќе биде за околу 200 милиони евра помалку. Каде ли ќе завршат тие 200 милиони евра на крајот на годината каде што требаше да се инвестираат во капитални инвестиции? Грешката е што дефицитот и планираните раздолжувања кои што ќе ги прави Владата на Република Македонија се финансираат со дополнителни задолжувања кои што ги гледаме секојдневно. Тие задолжувања во првите 6 месеци од годината се на ниво од отприлика 16 милијарди денари, од кои замислете 9,5 милијарди денари се средства коишто ги финансираат овие егзибиционистички и антибизнис политики на Владата на Република Македонија кои што потекнуваат директно од премиерот Зоран Заев. Зоран Заев е погубен за Република Македонија. Што побрзо си замине од власта, толку подобро за граѓаните и за државата, и за бизнис климата во Република Македонија. За сите погрешни политики некој треба да одговара и ќе одговара верувајте по промената на власта. Нерационалните трошоци и крајната цел каде завршуваат парите мора да биде предмет на истрага и мора некој да одговара за истите. Потребна е обнова на Македонија, а таа ќе започне кога ВМРО-ДПМНЕ ќе ја преземе власта, потенцираше Арсовски.